นรูปิํ นนเหตุํ ธมฺมํ ปฏิจฺจ อรูปี นเหตุ ธมฺโม อุปฺปชฺชติ เหตุปจฺจยา… คณิตเกน ตีณิฯ

[56] นโลกิยํ นเหตุํ ธมฺมํ ปฏิจฺจ โลกุตฺตโร เหตุ ธมฺโม อุปฺปชฺชติ เหตุปจฺจยาฯ เอกํฯ

นโลกุตฺตรํ นเหตุํ ธมฺมํ ปฏิจฺจ โลกิโย เหตุ ธมฺโม อุปฺปชฺชติ เหตุปจฺจยาฯ เอกํฯ เหตุยา ทฺเวฯ

นโลกิยํ นนเหตุํ ธมฺมํ ปฏิจฺจ โลกิโย นเหตุ ธมฺโม อุปฺปชฺชติ เหตุปจฺจยา… ตีณิฯ

นโลกุตฺตรํ นนเหตุํ ธมฺมํ ปฏิจฺจ โลกิโย นเหตุ ธมฺโม อุปฺปชฺชติ เหตุปจฺจยาฯ เอกํฯ เหตุยา จตฺตาริฯ

[57] นเกนจิ วิญฺเญยฺยํ นเหตุํ ธมฺมํ ปฏิจฺจ เกนจิ วิญฺเญยฺโย เหตุ ธมฺโม อุปฺปชฺชติ เหตุปจฺจยา… เหตุยา นวฯ

นเกนจิ นวิญฺเญยฺยํ นนเหตุํ ธมฺมํ ปฏิจฺจ เกนจิ นวิญฺเญยฺโย นเหตุ ธมฺโม อุปฺปชฺชติ เหตุปจฺจยา… เหตุยา นวฯ

14-1. อาสวโคจฺฉก-เหตุทุกํ

[58] โนอาสวํ นเหตุํ ธมฺมํ ปฏิจฺจ อาสโว เหตุ ธมฺโม อุปฺปชฺชติ เหตุปจฺจยา… ตีณิฯ

นโนอาสวํ นเหตุํ ธมฺมํ ปฏิจฺจ อาสโว เหตุ ธมฺโม อุปฺปชฺชติ เหตุปจฺจยาฯ เอกํฯ

โนอาสวํ นเหตุญฺจ นโนอาสวํ นเหตุญฺจ ธมฺมํ ปฏิจฺจ อาสโว เหตุ ธมฺโม อุปฺปชฺชติ เหตุปจฺจยาฯ เอกํฯ เหตุยา ปญฺจฯ

โนอาสวํ นนเหตุํ ธมฺมํ ปฏิจฺจ โนอาสโว นเหตุ ธมฺโม อุปฺปชฺชติ เหตุปจฺจยาฯ เอกํฯ

นโนอาสวํ นนเหตุํ ธมฺมํ ปฏิจฺจ โนอาสโว นเหตุ ธมฺโม อุปฺปชฺชติ เหตุปจฺจยา… ตีณิฯ

โนอาสวํ นนเหตุญฺจ นโนอาสวํ นนเหตุญฺจ ธมฺมํ ปฏิจฺจ โนอาสโว นเหตุ ธมฺโม อุปฺปชฺชติ เหตุปจฺจยาฯ เอกํฯ เหตุยา ปญฺจฯ

55-1. มหนฺตรทุก-เหตุทุกํ

[59] นสารมฺมณํ นเหตุํ ธมฺมํ ปฏิจฺจ สารมฺมโณ เหตุ ธมฺโม อุปฺปชฺชติ เหตุปจฺจยา… เหตุยา ตีณิฯ

นอนารมฺมณํ นนเหตุํ ธมฺมํ ปฏิจฺจ สารมฺมโณ นเหตุ ธมฺโม อุปฺปชฺชติ เหตุปจฺจยา… เหตุยา ตีณิฯ (สํขิตฺตํฯ)

100-1. สรณทุก-เหตุทุกํ

[60] นสรณํ นเหตุํ ธมฺมํ ปฏิจฺจ อรโณ เหตุ ธมฺโม อุปฺปชฺชติ เหตุปจฺจยาฯ นอรณํ นเหตุํ ธมฺมํ ปฏิจฺจ สรโณ เหตุ ธมฺโม อุปฺปชฺชติ เหตุปจฺจยาฯ เหตุยา ทฺเวฯ

นสรณํ นนเหตุํ ธมฺมํ ปฏิจฺจ อรโณ นเหตุ ธมฺโม อุปฺปชฺชติ เหตุปจฺจยาฯ (1)

นอรณํ นนเหตุํ ธมฺมํ ปฏิจฺจ อรโณ นเหตุ ธมฺโม อุปฺปชฺชติ เหตุปจฺจยาฯ นอรณํ นนเหตุํ ธมฺมํ ปฏิจฺจ สรโณ นเหตุ ธมฺโม อุปฺปชฺชติ เหตุปจฺจยาฯ นอรณํ นนเหตุํ ธมฺมํ ปฏิจฺจ สรโณ นเหตุ จ อรโณ นเหตุ จ ธมฺมา อุปฺปชฺชนฺติ เหตุปจฺจยา… ตีณิฯ (สํขิตฺตํฯ)

100-2. สรณทุก-สเหตุกทุกํ

[61] นสรณํ นสเหตุกํ ธมฺมํ ปฏิจฺจ อรโณ สเหตุโก ธมฺโม อุปฺปชฺชติ เหตุปจฺจยาฯ นอรณํ นสเหตุกํ ธมฺมํ ปฏิจฺจ สรโณ สเหตุโก ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[62] นสรณํ นอเหตุกํ ธมฺมํ ปฏิจฺจ อรโณ อเหตุโก ธมฺโม อุปฺปชฺชติ เหตุปจฺจยาฯ นอรณํ นอเหตุกํ ธมฺมํ ปฏิจฺจ อรโณ อเหตุโก ธมฺโม อุปฺปชฺชติ เหตุปจฺจยาฯ เหตุยา ทฺเวฯ

100-3. สรณทุก-เหตุสมฺปยุตฺตทุกํ